Agriculture News : વર્ષોથી ખેતી ક્ષેત્રમાં સતત નવા સંશોધનો થતા રહ્યા છે અને તમામ સંશોધનોનો એક જ હેતુ રહ્યો છે ખેડૂતને ખેતીના કામમાં વધુ સુવિધા અને રાહત મળી રહે. આજના સમયમાં જો પ્રગતિ સાથે આગળ વધીને સફળતા મેળવવી હોય, તો નવી ટેક્નોલોજીનો સ્વીકાર અનિવાર્ય છે. આ ટેક્નોલોજીમાં સૌથી શક્તિશાળી અને ઝડપી ફેરફાર લાવનાર સંસાધન છે આર્ટિફિશિયલ ઇન્ટેલિજન્સ. એ.આઇ.ના ઉપયોગના કારણે ખેતી હવે પરંપરાગત પદ્ધતિઓમાંથી બહાર આવીને વૈજ્ઞાનિક રીતે સતત આગળ વધી ખેડૂતો માટે પોષણક્ષમ બની રહેશે.
